Our medium is our message!

nena gamiği

„Mamgurapale, yasaği nenaşk'uni oxoris visinapam i, var visinapam i oxo3'onu şeni,iri ndğa,nenaşk'imi gamağmalute k'ont'roli ikumt'u.... Bere vort'işa nananenate masinapent'u.“

Nena gamağmalu,xvala kianuri a tiez'dalaş işaret'i var, hamuşen ti dido a mutxa'n.

„qwx- nena gamiği“ aksiyoni, Turkia Cumxuriyet'i'şi sinorepe doloxe na-sk'udun, mara,ç'k'va kulturuli do etnikuri minobapeş mance na-ren dobadonamşinepe „titoperi doyala“şi p'olit'ikapeş molemuşis na-dgin a sanat'i proje ren. İnt'ernet'işen na-irden online aktiviteşi nogure „nenamuşi na-go3'irams“ k'oçi fotoğrafepe ar svas moğmalute, „ar nena, ar xaçk'a“ na-gorumanpeşi mole k'olek'tivi a nodgitu orena eçkinu ren. „Titoperi doyala“ p'olit'ik'as mole na-dgin do na-sk'udun k'oçepe, Turkia cemaat'işi 3adalate xayini st'eri iz'irenan do hamuşen-met'a muç'o xoxo st'eri iz'irenan. Ham xoxo lak'ide, xvala artişi minobamuşi şeni p'olit'ik'uri do ist'oryaluri oxo3'onapus şek'li na-meçams a p'aramit'uli lak'ide-sanat'i st'eri mo oxo3'onamt. Xoxo st'eri oz'iramu,ndğeri sk'udalaşi doloxe, na var mişk'uran, na var ixo3'onen do hamu şeni na-pşk'urdumt mutxape toli-oğis k'ai moğmalu şeni na-ixmaren a noxmare ren.


Nena gamağmalu, xe3elas, „arti“s oz'iramu na-gorums ti-maceğmale do z'i3inace ifade deforme ikums. Nena na-gamiğams p'ici, k'ebuli na-z'irams megnapu k'odepe goyşobğams do xe3elas ti ez'dums. E do hamuşen ti met'a, nena gamağmalu,xoxo st'eri na-i3'onen artis, himu şeni na-iz'iren imaji ip't'i ,na-ort'u st'eri eç'opinu uk'ayi ti tersis goktalate, doloxemuşis na-uğun arti oz'ironi oyapu do minobamuşi gamayoxinu şeni na-ixmarums a noxmare ayen.


Noxmareşk'uni mesajişk'uni ren !!

Ham proje,nena gamağmaluşi, ti-ez'dala na-ren kianuri manamuşi, Turki na va ren do nananenamuşi Turkuli na va ren k'oçepeşi, ç'k'vadoç'k'vanobapenişite k'ebuli do nananepenişite oslop'u talebepenişite ok'ont'alu gorums. Projeşk'uni, Turkia's uneneli do yoxo-dixo na-sk'uduranpeşa, sanat'is, xak'k'i oşk'omupeşi moles a aktivite do ifade noxmare st'eri oxmaru oz'iramu do goşinu gorums !


last upload
#0000478
Upload_now
 

Sorry, you use an old browser.

The Site is optimized for Internet Explorer 7 or higher or for Firefox 3
Please update your Browser!
Firefox 3 / Internet Explorer 8

Go back to our qwx2009 Webpage!